பெண்ணின் நிலை

பெண் என்பவள் ஒரு மனிதர். இது தெரியாத ஒரு சமூகம் நம்முடையது என்று சொல்ல வெட்கமாக இருக்கிறது. ஆனால் வெட்கப்படாமல் உண்மையை பார்க்க வேண்டும்.

தமிழ் குடும்பத்தில் பெண் என்பவள் என்ன? பெண்மகளாக பிறக்கிறாள். திருமணம் ஆகிறது. மனைவியாகிறாள். குழந்தை பிறக்கிறது. தாயாகிறாள். கணவன் இறக்கிறான். விதவையாகிறாள். அல்லது கணவன் நீண்ட நாள் வாழ்கிறான். முதியவளாகிறாள்.

இந்த ஒவ்வொரு நிலையிலும் அவள் ஒரு மனிதன் என்ற வகையில் தனக்கென்று என்ன இருக்கிறது?

பலர் சொல்வார்கள்: குடும்பம். பிள்ளைகள். இல்லத்தின் அன்பு.

ஆம். ஆனால் ஒரு மனிதன் என்பவன் குடும்பம் மட்டுமல்ல. அவனுக்கு ஒரு மனம் இருக்கிறது. அந்த மனம் சிந்திக்கிறது. கனவு காண்கிறது. அழகை விரும்புகிறது. சுதந்திரத்தை விரும்புகிறது.

பெண்ணுக்கு அந்த சுதந்திரம் இல்லை என்று சொல்கிற ஒரு சமூகம் — அது என்ன சமூகம்?

நான் குற்றம் சொல்ல வரவில்லை. குற்றம் சொல்வதால் மாறாது. ஆனால் பார்க்க வேண்டும். பார்த்துக்கொண்டே இருந்தால், ஒரு நாள் மாற்றமும் வரும்.

ஒரு பெண் படிக்கட்டும். அவளுக்கு விரும்பிய வேலை செய்யும் சந்தர்ப்பம் கொடுக்கட்டும். திருமணம் என்பது அவளது சுதந்திரத்தை அழிக்கும் விஷயமாக இல்லாமல், இரண்டு சுதந்திர மனிதர்கள் சேரும் ஒன்றாக இருக்கட்டும்.

இது கனவு என்று சொல்லலாம். ஆனால் கனவு இல்லாமல் யதார்த்தம் மாறாது.